Zainab: 2017

أينما وضعك الله أزهر 🌱

قد يكون الطب حلمك الذي انتظرت تحقيقه لسنوات وسهرت الليالي لأجله، وقد يكون التخصص الذي ساقته الأقدار لك والذي لم تحلم مُطلقاً بدراسته ولكن تيقن إن الله اختارك لدراسته لأنك أهلٌ لذلك. الشيء المؤكد أنك بذلت جهداً للوصول لكلية الطب بدءاً من المرحلة الثانوية مروراً بالسنة التحضيرية وإلى لحظة نتيجة القبول في كلية الطب.

(بـ أتكلم في المدونة عن تجربتي في سنتي الأولى بكلية الطب، وعن بعض الأشياء اللي تمنيت اني سويتها أو عرفتها.)

* متطلبات القبول في تخصص الطب البشري بجامعة الإمام عبدالرحمن:

１- تحقيق ما لا يقل عن B "ما يعادل 80 درجة" في المواد العلمية (كيمياء، فيزياء، أحياء) ومواد اللغة الإنجليزية العامة والتخصصية في السنة التحضيرية.

２- المنافسة على المعدل.

* سنوات الدراسة: سنة تحضيرية + خمس سنوات دراسة + سنة إمتياز

سنوات الدراسة تنقسم إلى:

- Preclinical Years (قبل المرحلة الإكلينيكية)

وتشمل السنة الثانية والثالثة

- Clinical Years (المرحلة الإكلينيكية)

وتشمل السنة الرابعة والخامسة والسادسة

* نظام دراسة الطب في جامعة الإمام عبدالرحمن:

النظام المُطبق هو نظام موناش الإسترالي ( MBBS program )

(مهم جداً معرفة نظام الدراسة، كان فيه طالبات معنا لنهاية السنة وهم مش مستوعبين طبيعة النظام والإختبارات، من رأيي أي طالب يفكر يدرس طب لازم يتعرف على نظام الدراسة بأكثر من جامعة ويقارن بينهم حتى يختار الأنسب له)

** أول أسبوع بيكون تهيئة وتعريف بالنظام **

- النظام مطور، وفكرته تعتمد على الIntegration أي ربط المواضيع ببعضها، بحيث يربط المواد مع النظريه مع الإكلينيكية. وبمعنى أن جميع المواضيع لأغلب المواد مرتبطه في بعض مثلاً، لو اخذتوا الجهاز الدوري الدموي ستتم دراسة حالة مرضيه في الـPBL عن مرض متعلق بـالجهاز الدوري الدموي - Cardiovascular system وستتم مناقشة أسباب المرض، أعراضه، مضاعفاته، علاجه الدوائي والجراحي وهكذا. وفي مادة علم التشريح ستتم دراسة تشريح القلب وعن تطور عضلة القلب في مادة علم الأجنة وتأخذوا في مادة علم الأمراض عن أمراض القلب ومادة علم الأدوية يعلموكم عن الأدوية الخاصة بأمراض القلب وكذلك يعلموكم في المهارات السريرية عن تخطيط القلب وهكذا.

#المواد التي سيتم دراستها في السنة ثانية:

１- مواد الدين

الترم الأول: النظام الاقتصادي في الإسلام

الترم الثاني: النظام السياسي في الإسلام

والدراسة تماماً مثل تحضيري، وعندكم مشروع قيمي وتسميع قرآن.

２- أساسيات الطب “Foundation of Medicine 201”

تعتبر مادة واحدة وتندرج تحتها عدة مواد، هذي المادة عليها 40 ساعة من المعدل، وهي مادة سنوية. عليها 100 درجة موزعة على الترمين.

يندرج تحتها:

PBL (Problems Based Learning)

Clinical skills

بالإضافة إلى المواد:

Health enhancement

Health knowledge

Medicine of Mind

Population health

Biochemistry
Anatomy

Embryology

Histology

Radiology

Pharmacology

Immunology

Pathology

Physiology

Microbiology

التعلم المبني على حل المشكلات - PBL (Problems Based Learning)

سيتم توزيعـكم على مجموعات، كل مجموعة تضم تقريباً ١٠ طلاب، كل أسبوع عندكم حالة مرضيه تناقشوها وتستخلصوا منها Objectives ولكل طالب يأخذ Objective ويبحث عنه والأسبوع الثاني يعرضه وهكذا..

الشي المهم أنكم ما تتعدوا الـDeadline لتسليم البحث📍

لكل طالب وقت محدد للعرض، المهم أن يكون العرض غير ممل عشان الكل ينتبه، وحلو لو تضيفوا أسئلة عشان تقيموا فهم زملائكم.

الحلو فيه إن المواضيع مرتبطة بكل المواد، بالمحاضرات، التتوريالز والـclinical skills. وبما إنكم بتبحثوا وتعرضوا، هذا الشي بيساعدكم في تذكر المعلومة.

- بالنسبة لي البحث كان يأخذ مني وقت طويل، خصوصاً إذا كان الأوبجكتف طويل، افضل طريقة إنكم تحاولوا تخلصوا البحث بنفس اليوم اللي تأخذوا فيه الـcase. وبكذا ما بتنشغلوا في البحث خلال الأسبوع عن مذاكرة بقية المواد.

المهارات السريرية – Clinical skills

من أحلى وأمتع المواد اللي فعلاً تحسسكم إنكم تدرسوا طب، كل أسبوع بيكون عندكم ساعتين تتعلموا فيها عن المهارات المهمة لكم كونكم دكاترة مستقبلاً، بالإضافة إلى بعض المحاضرات والجزء العملي مثل، الحقن بالإبر.

الترم الأول كانت مواضيعه عن التاريخ المرضي وأخلاقيات الطبيب وواجباته وكيفية التعامل مع المريض في حالات مختلفة (الحزن، الغضب، ......) بالإضافة إلى كيفية نقل الأخبار للمريض (تشخيص، حالة وفاة، نتيجة فحص...).

وراح تكون فيه زيارة للمستشفى بعد ما يتم تقسميكم لمجموعات وفي المستشفى بتتقسموا لعيادات ايضاً والمطلوب منكم أخذ تاريخ مرضي. زيارة المُستشفى من أحلى الأشياء اللي صارت بسنة ثانية ❤️! بتقابلوا فيها مريضكم الأول ✨.

نصيحتي إنكم تستعدوا لزيارة المستشفى وتجهزوا ورقة الأسئلة تبع التاريخ المرضي، وتكتبوا أسئلة بالتفصيل. يعني مثلاً ما تكتفوا إنكم تسألوا المريض إذا كان يأخذ ادوية "هل تأخذ أدوية؟" وبس، مهم إنكم تسألوا عن إسم الدواء + كم مرة يأخذه ومن متى بدأه + وتسألوا عن الجرعة وهكذا..

أسألوا عن كل شي، وفي النهاية اكتبوا مُلخص واعرضوه على الدكتور وأسألوه عن حالة المريض ولو كان بيسوي أي فحوصات إضافية وأسألوه عن التشخيص..

ونصيحة، أول ما ترجعوا البيت بعد زيارة المستشفى، اخذوا ورقة جديدة وارجعو إكتبوا التاريخ المرضي مره ثانيه، لأنه بيكون حوسه ومو مرتب.

ليش مهم تأخذوا التاريخ المرضي بالتفصيل؟

لأن مطلوب عليكم بعدها Case Commentary

وهو عبارة عن تقرير مُفصل لحالة المريض اللي أخذتوا منه التاريخ المرضي، أدنى حد لعدد الكلمات فيه ٢٢٥٠

الترم الثاني

كان عملي أكثر من الترم الأول، تعلمنا فحوصات الجهاز العضلي الهيكلي-Musculoskeletal System والجهاز الدوري الدموي-Cardiovascular system + بالإضافة للتاريخ المرضي الخاص فيهم. وكان عندنا جزء عملي ومحاضرات عن تخطيط القلب-ECG.

وفيه زيارة للمركز الصحي بالجامعه وزيارة ثانية للمستشفى بتطبقوا فيها الفحوصات.

(المهم إنكم تذاكروا التتوريالز وتعرفوا الفحوصات وأسمائها وكيف تطبقوها ومتى نستخدمها ولو كانت +ve فهي تدل على ايش؟ لأن كل هذا داخل بالإختبار، وحتى الأمراض اللي مكتوبة في التتوريالز مهمه جداً)

OSCE

إختبار عملي في نهاية الترم الثاني لكل الأشياء اللي تعلمتوها بالـ Clinical Skillsمثل، التاريخ المرضي، Breaking bad news، Examination، Injection.

بيكون لمدة يومين، كل يوم اربع محطات (Stations) وبكل محطة عندكم ١٠ دقائق، دقيقتين تقرأوا المطلوب، و٨ دقائق إختبار. بيكون مطلوب منكم شي محدد مثلاً، Injection أو Musculoskeletal examination.

طريقة المذاكرة:

لكل شخص طريقته الخاصه في المذاكرة، ممكن بعض الأشخاص تثبت عندهم المعلومه لما يشاهدوا فيديو، أو لما يقرأوا المعلومة من كتاب، أو لما يشرحوا لأحد أو أحد يشرح لهم، او عن طريق التلخيص والكتابة. بالنسبة لي في سنة ثانية عرفت طرق المذاكرة اللي تناسبني، وتقريباً إستخدمت أغلب الطرق، وبعض المواد جمعت فيها أكثر من طريقة.

** الكتب**

في البداية بيعطوكم قائمة كبيره بأسماء الكتب، لا تتسرعوا في شرائهم، فيه بعض الكتب مهم تكون عندكم مثل، Sherwood + clinical anatomy وبعض الكتب ممكن تستغنوا عنها، قبل ما تشتروا الكتاب بإمكانكم تحملوه كنسخة إلكترونية ولو عجبكم تشتروه، النسخة الإلكترونية ممكن تغني عن النسخة الورقية، والتعامل معها أسهل بدل نقل الكتب الكبيرة، بالإضافة إلى سهولة عملية البحث عن كلمة معينه أو موضوع معين.

التعامل مع المواد:

مثل ما قلت لكل شخص طريقته الخاصه، ممكن الأشياء اللي أقولها ما تنطبق معكم ١٠٠٪، ولكن ب أذكر بعض النصائح اللي ممكن تستفيدوا منها لبعض المواد.

Health enhancement

Health knowledge

Medicine of Mind

- هذي المواد تتكلم عن الصحة بشكل عام وعن الوعي الصحي علم النفس وعن بعض المواضيع الثانيه زي التغييرات اللي تصير في مرحلة المراهقه والطفوله وهكذا.

- طبعاً غلطتي إني اشوف هالمواد جداً سهله، لدرجة إني اترك مذاكرتها لآخر شي، أو يجي الإختبار وأنا ما فتحت المحاضرات حتى! هالمواد سهله بس فيها بعض الأشياء اللي تتطلب حفظ وصراحه ندمت إني اهملتها لأن هالقسم غالباً يجيب اسئله مباشره وسهله.

- نصيحتي، لا تهملوها هي مهمه حالها حال بقية المواد وأحياناً تكون عليها درجات أكثر من بقية المواد.

علم التشريح - Anatomy

تعمقنا بالمادة فعلياً في الترم الثاني، كان عندنا محاضرات ومعامل وتتوريالز وكلها كانت مُكملة لبعض، بمعنى إن مُمكن بعض المعلومات تكون موجوده في التتوريالز وغير موجودة في المحاضرات.

موقع مفيد، يلخص المعلومات بطريقه جميله:

Teach me Anatomy

http://teachmeanatomy.info

تطبيق يوضح العضلات والعظام والأوعية الدموية والليمفاوية بطريقة الـ3D:

معمل التشريح -Anatomy Lab

فيه جزء عملي والآخر نظري، الشيء الجديد هو إن الطلاب بنفسهم يشرحوا الجثث بوجود الدكتور/ه.

الشيء المهم، هو الإستعداد قبل موعد المعمل عشان تستفيدوا 100%. (كنت استفيد من شرح الدكاتره، واحياناً يعلمونا طرق تسهل علينا الحفظ) "مثل اللي بالصورة"

علم الأدوية - Pharmacology

كمية الأدويه اللي مفروض نحفظها كانت كبيره، وكل دواء له إستخدام وآثار جانبيه وغيرها. الملخصات كانت تساعد جداً، وطريقة ربط الإسم بقصة جداً يساعد على التذكر.

احياناً إذا حسيت الجمل غير مفهومه في المحاضره أو إذا احتجت شرح، انسخ الكلمة أو الجملة وابحث عنها في الكتاب الإلكتروني.

الإختبارات والتقييم:

مثل ما ذكرت في البداية، النظام سنوي، بمعنى إن عندكم ١٠٠ درجة موزعه على ترمين،

وبيكون عندكم واجبات بين فترة وفترة.

تقسيم الدرجات:

الإختبارات:

الإختبار يضم جميع المواد بالإضافة إلى PBL وClinical Skills.

ممكن يكون على يومين أو ثلاثة أيام تختلف فيهم صيغة الإختبار لكل يوم (إختيار من متعدد، توصيل، إجابات قصيرة) بنفس الـMaterial.

لتوضيح نظام الإختبارت، هو شبيه لنظام البلوكات ولكن آخر إختبار يكون سنوي. إختبارات الميدتيرم بنفس نظام البلوكات، بحيث إنها تضم كمية محدده. مثلاً البلوك الثاني، إختباره لا يشمل البلوك الأول وهكذا بالنسبة لبقية إختبارات الميدتيرم. بينما الإختبار النهائي: يشمل جميع ما تم دراسته في سنة كاملة (٤ بلوكات).

- مميزات النظام المطور ✨

* النظام السنوي يُهيئ لإختبار الـVIA "وهو إختبار في نهاية السنة الثالثة، يختبر ما تمت دراسته في السنة الثانية والثالثة" وإختبارات التخصص مثل الـusmle، بسبب طبيعة الإختبارات في النظام السنوي (دمج جميع المواد في إختبار واحد) بالإضافة إلى إختبار نهاية السنة الذي يضم الترم الأول والثاني.